Veðurstofan hefur gefið út gula viðvörun fyrir höfuðborgarsvæðið, Suðvesturland, Faxaflóa, Breiðarfjörð og Miðhálendið. Vindhviður á höfuðborgarsvæðinu geta farið upp í 30 metra á sekúndu í kvöld og hætta er á foktjóni á Suðurlandi, Faxaflóa og Snæfellsnesi, sé ekki vel gengið frá hlutunum
Á höfuðborgarsvæðinu verður vinstyrkurinn víða 13 til 18 metrar á sekúndu en staðbundið geta hviður náð í 30 metra á sekúndu. Slíkur vindur getur hæglega rifið með sér létt farartæki og tengivagna, sem og muni eins og garðhúsgöng og trampólínin.
Fólk er því hvatt til þess að tryggja lausamuni og ekki er mælst til þess að vera á ferð með eftirvagna á borð við hjólhýsi. Sérstaklega er varað við vindasömuveðri á Kjalarnesi í því samhengi.
Gula viðvörunin gildir frá kvöldinu í kvöld fram eftir föstudagsmorgni.