Höfundur „How to Murder Your Husband“ ákærð fyrir morðið á eiginmanni sínum

Rithöfundurinn Nancy Brophy, sem birti meðal annars greinina „How to Murder Your Husband“, hefur verið ákærð fyrir morðið á eiginmanni sínum. Þetta kemur fram á vef Huffington Post.

Lögreglan í Portland í Oregon í Bandaríkjunum handtók Nancy á miðvikudag og var hún ákærð fyrir morðið ásamt ólögmætri notkun á skotvopni. Hún er 68 ára gömul en eiginmaður hennar var 63 ára gamall þegar hann var skotinn til bana í eldhúsi í matreiðsluskóla í byrjun júní.

Daginn eftir morðið birti Nancy þessi skilaboð á Facebook, þar sem hún sagði frá sorg sinni

Nancy hefur gert greinina „How to Murder Your Husband“ óaðgengilega á bloggsíðu sinni. Samkvæmt frétt Huffington Post fór Nancy yfir hugsanleg tilefni, vopn og fleira sem gagnast þeim sem vilja myrða eiginmenn sína.