Fjölmiðlafulltrúi skemmtikraftsins Bill Cosby segir að kynþáttur hans hafi spilað inn í þegar hann var dæmdur í gær fyrir að beita konu kynferðislegu ofbeldi árið 2004. Þetta kemur fram á vef Huffington Post.
Bill Cosby var í gær dæmdur í þriggja til tíu ára fangelsi en 60 konur hafa stigið fram og sakað hann um gróft, kynferðislegt ofbeldi. Andrew Wyatt, fjölmiðlafulltrúi Cosby, sagði við fjölmiðla eftir dóminn í gær að skjólstæðingur sinn viti að Guð vaki yfir honum. „Hann veit að þetta eru lygar,“ sagði hann.
Þau sóttu Jesús til saka og sjáið hvað gerðist? Ég er ekki að segja að Cosby sé Jesús en við vitum hvernig þetta land hefur farið með þeldökka menn í gegnum aldirnar.
Wyatt sagði einnig að réttarhöldin hafi verið þau rasískustu í sögu Bandaríkjanna.