Nokkur mögnuð nýyrði sem Nútíminn leggur til að verði notuð: „Þessi Tinderbykkja er bara milliriðill“

Samkvæmt hinni virtu alfræðiorðabók Wikipedia er nýyrði nýtt orð yfir hugtak eða hlut. Þá kallar Wikipedia þá aðila sem semja slík orð, nýyrðasmiði en allur gangur er á því hvort nýyrði festist í málinu okkar.

Sum nýyrði ná strax fótfestu, orð eins og tölva, sjónvarp og þota. Önnur ná ekki eins mikill fótfestu í málinu og hreinlega deyja út. Nútíminn lagðist í rannsóknarvinnu á Twitter og fann 10 nýyrði sem ekki fengu hljómgrunn en ættu það svo sannarlega skilið. Við hvert nýyrði fylgir höfundur. 

1. Taðreyndir = Rangar fullyrðingar

Taðreyndir. Gott nýyrði sem þarf að komast í umferð.

— Már Örlygsson ? (@maranomynet) January 23, 2017

2. Skuldaskræfa = Manneskja sem vill ekki taka lán

Skuldaskræfa : manneskja sem vill ekki taka lán #nýyrði

— Þorvaldur Guðjónsson (@Valdig) December 11, 2017

3. Bullyrðing= Röng fullyrðing

Röng fullyrðing = Bullyrðing. Hvað segirðu, @BragiValdimar, leggurðu blessun þína yfir þetta nýyrði?

— Atli Fannar (@atlifannar) January 15, 2015

4. Skjásvæfa = Klámleikkonan

Nýyrði. Orð yfir uppáhalds klámstjörnuna þína sem þú rúnkar þér yfir. Skjásvæfa.

— Pétur Gunnarsson (@peturg12) July 19, 2014

5. Milliriðill = Hjásvæfa milli ástarsambanda

Alltaf verið hrifinn af 'milliriðill' yfir gaur sem stelpa byrjar með á reboundi áður en hún finnur hinn rétta.

— Gísli Marteinn (@gislimarteinn) September 16, 2016

6. Kulrót = Grýlukerti

Nýyrði kvöldsins:

Kulrót = grýlukerti

— Eiríkur Kristjánsson (@Eirikur_Gauti) August 9, 2015

7. Sniðblindur= Maður með vondan fatasmekk

Sá sem hefur vondan fatasmekk er „sniðblindur“ #nýyrði

— Halldór Eldjárn (@halldorel) September 17, 2015

8. Riðbein = Typpi

Nýyrði fyrir getnaðarlim : Riðbein [no. hk]
Dæmi: "er eðlilegt að finna til í riðbeininu eftir þetta?"

— snorri? (@thrahyggja) January 12, 2016

9. Tinderbykkja = Óheillandi kona á Tinder

Nýyrði: Tinderbykkja.

— Árni Vil (@Cottontopp) March 8, 2016

10. Rakalaus þvættingur = þurr nýþveginn þvottur

Heyrst hefur að ég hafi búið til nýyrði fyrir þurran, nýþveginn þvott.

Það er rakalaus þvættingur.

— Eiríkur Kristjánsson (@Eirikur_Gauti) November 22, 2016