Hjónin Sóley Tómasdóttir og Aart Schalk hafa sett íbúð við Hofsvallagötu í Reykjavík á sölu. Íbúðin er í eigu þeirra hjóna en nú í útleigu. Sóley greinir frá þessu í færslu á Facebook. Ásett verð á íbúðinni er tæplega áttatíu milljónir en íbúðin er björt og falleg sex herbergja hæð í fjórbýlishúsi.
„Með aðeins öran hjartslátt deili ég hér með íbúð fjölskyldunnar sem er komin á sölu. Björt og falleg, með fullt af herbergjum, æðislegum nágrönnum og á fullkomnum stað. Megi framtíðin brosa við næstu eigendum,“ skrifar Sóley á Facebook.
Hér að neðan má sjá nokkrar myndir af íbúðinni
