Sigmundur búinn að borga dagatalið: „Hverfur því af skuldalistanum mínum“

Aðstoðarmaður Sigmundar Davíðs Gunnlaugssonar, formanns Miðflokssins, greiddi í dag 1500 krónur fyrir dagatal af rangeygðu stjórnmálafólki. Sigmundur var síðasti stjórnmálamaðurinn til þess að greiða fyrir sitt dagatal en Erlingur Sigvaldason, hönnuður dagatalanna var orðinn áhyggjufullur.

Sjá einnig: Sigmundur Davíð sá eini sem er ekki búinn að greiða fyrir dagatal: „Ef þú sérð þennan mann þá skuldar hann mér 1500 kr“

Erlingur greindi frá því á Twitter að Sigmundur skuldaði honum enn 1500 krónur en eintökin voru afhent í desember og Sigmundur hafði ekki enn borgað fyrir sitt. Það reddaðist fljótlega eftir að málið komst í fréttirnar en Erlingur greindi frá því á Twitter áðan að aðstoðarmaður Sigmundar hefði borgað honum í dag.

Allt er gott sem endar vel.

Uppfært:
Aðstoðarmaður Sigmundar var að borga rétt í þessu. Sigmundur hverfur því af skuldalistanum mínum.

— Erlingur Sigvaldason (@ellivithit) January 7, 2019