Þristur er besta íslenska nammið samkvæmt meðlimum í Facebook hópnum Matartips. Um 850 manns hafa valið Þrist besta nammið í nýrri könnun hópsins sem telur um 35 þúsund meðlimi. Nóa Kropp er í öðru sæti með um 330 atkvæði og Kúlusúkk er í því þriðja með um 130 atkvæði.
Yfirburðir Þristsins eru því töluverðir en notendur hópsins eru flestir ánægðir með könnunina og niðurstöðuna. Þó eru sumir sem skilja ekki dálæti Íslendinga á lakkrís en lakkrísnammi er áberandi í svörunum en fimm af vinsælustu sex sælgætum könnuninnar innihalda lakkrís.
Sjá einnig: Topp 10: Skrýtnustu hóparnir á Facebook