Íslenski leikarinn Jóhannes Haukur Jóhannesson leikur í kvikmyndinni The Good Liar sem er væntanleg. Fyrsta stikla myndarinnar var sýnd í gær en þar má sjá Jóhannes í hópi þekktra leikara.
Stórleikararnir Ian McKellen og Helen Mirren fara með aðalhlutverk kvikmyndarinnar sem fjallar um svikahrapp sem kynnist konu á netinu.
Ian McKellen og Jóhannes Haukur deildu stiklunni báðir á Twitter í gær. „Sjáðu mig og Helen Mirren í fyrstu stiklunni fyrir Good Liar,“ skrifar Ian McKellen.
Jóhannes deilir tísti Ian Mckellen og skrifar: „Jú jú þau eru þarna. En ég læt gamla manninn heyra það í treilernum. Með rússneskum hreim að sjálfsögðu.“
Sjáðu stikluna
Jú jú þau eru þarna. En ég læt gamla manninn heyra það í treilernum. Með rússneskum hreim að sjálfsögðu. https://t.co/Wmxb6ZR4Nj
— Jóhannes Haukur (@johanneshaukur) June 26, 2019