UFC bardagastjarnan Polyana Viana var að bíða eftir taxa í Rio De Janeiro í Brasilíu þegar að ræningi kom upp að henni með byssu og heimtaði símann hennar og veski.
Hann áttaði sig ekki á því hvað þetta var slæm ákvörðun hjá honum fyrr en hann var alblóðugur og fastur í hálstaki, grátbiðjandi hana um að hringja á lögguna svo hún myndi ekki lemja hann meira.
„Byssan“ sem ræninginn var með var sem betur fer úr pappa, en samkvæmt sjónarvottum þá hefði það ekki breytt neinu ef hann hefði verið með alvöru byssu miðað við hraðann á henni Polyana.
Það eru til betri hugmyndir í þessum heimi en að ráðast á UFC bardagastjörnu – þú veist, svona eins og að hlaupa hratt á vegg með hendurnar bundnar fyrir aftan bak.
