UPPFÆRT – Lionsklúbburinn Hængur hefur sent frá sér yfirlýsingu varðandi málið sem má lesa með því að smella hér.
Ólafur Þórðarson er boccia þjálfari hjá Íþróttafélagi fatlaðra í Reykjavík og hann er vægast sagt ósáttur við orðræðuna á boccia mótum.
Ólafi finnst fáránlegt hvernig verðlaunapeningarnir á Hængsmótinu á Akureyri voru merktir og spyr: „Finnst fólki þetta virkilega viðeigandi?“
***VARÚÐ rant framundan***
Nú er maður búinn að vera að þjálfa boccia í nokkur ár og maður er ennþá að reka sig á svona rugl.
Svona voru verðlaunapeningarnir merktir á Hængsmótinu á Akureyri núna um helgina.
Finnst fólki þetta virkilega viðeigandi?
Þar er keppt í tveimur flokkum.
Flokki hreyfihamlaðra og flokki „þroskaheftra“
Ég er löngu búinn að fá mig fullsaddan af þessari orðanotkun. Ég og fleiri erum margoft búin að benda á þetta.
Ég veit til þess að margir keppendur eru sama sinnis.
Ég hvet fólk til að endilega deila þessu. Svona orðræða er ekki í lagi