Verðandi (eða fyrrverandi verðandi) brúðurin Emma Alicia Paz Ayala frá Mexíkó fagnaði síðustu dögum frelsis síns í gæsapartíi með vinkonum sínum – eins og hefð er fyrir víða.
Gæsapartíið fór þó eitthvað aðeins úr böndunum en myndband náðist af Emmu í ansi áköfu kossaflensi við ungan mann – og heyra má vinkonur hennar fagna á bak við.
Myndbandið var ekki lengi að fara eins og eldur í sinu um internetið og ekki leið langur tími þar til bæði unnusti Emmu og tengdafjölskylda höfðu séð það.
Brúðkaupinu var aflýst skömmu síðar – og Emma sennilega búin að taka niður þennan fína hring núna.