Samfilm frumsýnir myndina XXX Return of Xander Cage 20. janúar.
Xander Cage, sem allir héldu að væri dauður, snýr aftur úr sjálfskipaðri útlegð í flottara formi en nokkru sinni til að takast á við hinn hættulega Xiang, en hann hefur náð á sitt vald hátæknivopni sem gæti hæglega gert út af við allt mannkyn.
Heimsyfirráð eða dauði!
Það eru liðin rúm tíu ár frá því að Vin Diesel tilkynnti um gerð þessa framhalds af myndinni xXx frá árinu 2002, en hún sló hressilega í gegn á sínum tíma og skaut í raun stoðunum undir feril Vins sem síðan hefur átt mikilli velgengni að fagna, t.d. í Fast and Furiousmyndunum og myndunum um Riddick. Af stiklunum að dæma er þessi nýja xXx-mynd um ofurtöffarann Xander Cage mikil skemmtun, full af frábærum áhættuatriðum af öllum gerðum og húmor við allra hæfi – og að sjálfsögðu snjallri fléttu sem kemur á óvart!