Með nokkuð alvarlegan skort á stærri og erfiðari vandamálum – þá höfum við Íslendingar einstakt lag á að finna okkur eitthvað smálegt til að þræta um. Eins og hvort það sé meiri minnihlutahópur að vera feitur eða samkynhneigður til dæmis. Það er auðvitað mjög gott svo að allir hafi eitthvað að tala um í kaffihléum.
Nýjasta uppátækið var viðtal Sindra Sindrasonar við Töru út af Truflandi Tilvist ráðstefnunni – en í kjölfarið tjáði Hildur Lilliendahl sig um málið og kallaði Sindra Sindrason „Epalhomma“ í kommenti á Facebook.
Sindri Sindrason tók því nokkuð létt – og stakk hann upp á í kommenti á póst Maríu Lilju Þrastardóttur á Facebook að Hildur fengi afslátt í Epal, fyrir að koma þeim svona vel á kortið.
Hildur var ekki lengi að svara og tók strax undir það.
Allt er gott sem endar vel – og nú er bara að vona að Epal taki vel í þetta framtak. Þá mögulega gæti Hildur verslað sér húsgögn eins og Sindri!