Kim Kardashian er vön því að vera frekar fáklædd í myndartökunum sínum. Hún er með frægasta rass í heimi og er alls ekki feimin við að sýna hann. En það eru ekki allir ánægðir með Kim þegar hún fer í svona myndatökur. Kynningarfulltrúi hennar hatar það þegar Kim fer úr fötunum fyrir framan myndavél.
Kim fór nakin í myndatöku í júní í fyrra fyrir GQ tímaritið þó svo að hún hafi verið búin að lofa kynningarfulltrúanum sínum að gera þetta ekki aftur. Hún fór í viðtal fyrir stuttu þar sem hún sagði ástæðuna fyrir því að hún hafi farið úr fötunum fyrir þessa myndatöku. En það var ljósmyndarinn Mert Alas sem tók þessar myndir af Kardashian.
„Þetta var aldrei planið. Ég var búinn að ákveða að fara aldrei aftur í svona myndatökur og ég vissi það að kynningarfulltrúinn minn myndi drepa mig ef ég myndi gera þetta. En Mert er bara svo fyndinn og skemmtilegur og getur yfirleitt fengið mig til að gera hvað sem er “. – Kim
Kim hefur setið fyrir nakin hjá W, Paper tímaritinu og Playboy.
„Mert er bara svo góður gaur. Ef hann sér að mér líður eitthvað illa þá gerir hann alltaf eitthvað gott. Hann kemur með ís handa mér og svo þegar ég er búin að borða vel af ísnum þá segir hann í gríni að ég megi ekki fá meira því ég sé að fara í myndatöku. En kynningarfulltrúi minn passaði vel upp á hvað ég væri að gera þarna og svo þegar hún fór á klósettið eða þurfti að skreppa aðeins þá talaði Mert við mig og fékk mig til að fara úr fötunum. Hann sagði að þetta væri til að gefa áhorfendum smá persónuleika“. – Kardashian
