Hefur þú einhvern tímann velt því fyrir þér hvort að álfar séu til í alvörunni. Ef svo er hefur þú þá hugsað um það hvernig kynlíf með slíkum verum sé?
Við gerðum grein um Hallgerði Hallgrímsdóttur fyrir tveimur árum þar sem hún sagðist vera sérfræðingur um kynlíf með álfum. Þar talaði hún um það að kynlíf með álfum sé það öruggasta sem fyrirfinnst á jörðinni. Þeir beri ekki með sér kynsjúkdóma og ekki er hægt að gera álfkonu ólétta eða verða ólétt eftir álf – Nema báðir aðilar óski þess, og enn sé það algjörlega óþekkt.
Nú voru stelpurnar í hljómsveitinni Bergmál að gefa út nýtt lag sem fjallar um kynlíf með álfum. Það hljóta margir að vera búnir að velta því fyrir sér hvernig elskuhugar álfar séu.