Bella Vrondos er þrjátíu og þriggja ára módel frá Ástralíu. Hún er þriggja barnamóðir og hún segir að aðrar mæður séu mikið búnar að gagnrýna hana fyrir að hafa farið í brjóstastækkun og fyrir það hvernig hún klæðir sig.
Bella segir að það sé búið að ganga svo langt að einhver auglýsti hana á Craigslist sem vændiskonu.
„Það er ekkert rétt eða rangt þegar það kemur að útliti foreldra, fólk er bara eins og það er. Fólk horfir á mig og fer strax að dæma mig, gerir ráð fyrir því að ég hugsi bara um sjálfa mig sem er alls ekki rétt. Mig langar að líta vel út og ég lít mikið upp til Kim Kardashian. Hún er flott og ber sig mjög vel. Ég passa alltaf upp á að ég sé vel máluð og sé klædd eins og ég vil vera“.
„Það sem mér finnst ótrúlega sorglegt er fólk sem heldur að ég hugsi bara um sjálfa mig en ekki börnin mín. Fólk sem segir við mig að þau eyði frekar pening í börnin sín og gera ráð fyrir því að ég spái ekkert í þeim. Ég fór ekki í lýtaaðgerð til þess að líta út eins og klámstjarna heldur af því að ég er búin að eignast þrjú börn og líkami minn er ekki eins og hann var. Ég gerði þetta til að vera ánægð með mig þegar ég horfi í spegil. Ég elska börnin mín, svona er ég og mæður þurfa ekki að vera allar alveg eins“.
