Christian Bale hefur leikið mörg rosaleg hlutverk í gegnum tíðina og er líklegast þekktastur fyrir hlutverk sitt sem Batman. Bale er líka þekktur fyrir að leggja mikið á sig til þess að komast í karakter og hann er líklegast sá leikari í Hollywood sem flakkar mest á milli líkamsþyngda.
Christian Bale er núna að leika í kvikmyndinni „Backseat“ sem fjallar um fyrrverandi varaforseta Bandaríkjanna Dick Cheney. Bale er búinn að bæta á sig nokkrum kílóum fyrir hlutverkið og það sést vel á andlitinu hans. Mörgum finnst hann vera næstum því óþekkjanlegur.
