Framkvæmdastjóri Votlendissjóðs, Bjarni Jónsson, náði þeim aðdáunarverða árangri að gefa blóð í hundraðasta skipti á 60 ára afmæli sínu í fyrradag.
Í Fréttablaðinu kemur fram að Bjarni hafi fyrst gefið blóð árið 1978, þegar hann var við nám í Iðnskólanum. Fyrir sex árum síðan setti Bjarni sér svo það markmið að ná hundruðustu blóðgjöfinni á sextugsafmælinu, sem hann og gerði.
Bjarni, sem hvetur alla sem geta til að gefa blóð, hefur nú sett sér það markmið að ná að minnsta kosti 30 blóðgjöfum í viðbót fyrir næsta stórafmæli.