Heimsmeistaramótið í Luftgitar fer fram í Oulu í Finnlandi í dag. Steindi Jr. tekur þátt fyrir hönd Íslands og hann ætlar sér sigur.
Mótið hefst klukkan 17 á íslenskum tíma. Hann segir í samtali við RÚV í dag að það hafi alltaf verið draumur hans að vera bestur í einhverju.
„Ég verð klæddur í brynju, með íslenska fánann bundinn á mig eins og skykkju. Ég er að fara koma heim með þennan titil,“ segir Steindi í samtali við RÚV.