Hvernig getur það staðist að maður hætti í megrun, talan á vigtinni fari upp – en maður hafi aldrei verið í betra formi?
Jú Sara Phuto var alltaf að glíma við jó-jó megranir – þar sem hún fór reglulega í megrunarkúra undir 1.500 kalóríur á dag – en missti sig svo inn á milli í ruslfæði.
Hún var alltaf að reyna að létta sig um þessi 5-6 kíló niður í 50 kíló sem var draumatalan hennar. En það var erfitt hark. Svo prófaði hún að breyta um stefnu.
„Ég komst að því að ef maður borðar minna en 1500 kalóríur þá setur maður líkamann í „svelti“ – og hann fer að berjast við að halda í fítu. Þetta er bara „quick fix“ til að tapa nokkrum kílóum – sem koma samt aftur á þig þegar maður fellur í freistingu og borðar ruslfæði. Ég byrjaði að borða hollt mun meira en ég hafði gert og hætti að telja kalóríur. Það var erfitt en ég treysti líkama mínum og hann myndi gera það sem til þyrfti. Hægt og rólega fékk ég meiri orku og gat verið harðari á æfingu. Upphaflega missti ég fitu – en svo fór ég að þyngjast út af auknum vöðvamassa. Núna er ég 56-57 kíló sem er 5 kílóum yfir gömlu „kjörþyngdinni“ minni – en hef aldrei litið betur út.“
Þannig – gleymdu öllum hungurplönum! Borðaðu rétt – æfðu rétt og farðu í þitt besta form. Án hungurs og jó-jó megranna!