Reykjavík, Ísland – Ný uppskriftabók er í vinnslu, sem sýnir hvernig er hægt að elda vinsælar uppskriftir frá vinsælustu veitingastöðum landsins, samkvæmt bæði Íslendingum og ferðamönnum.
Hátt í þrjátíu veitingastaðir hafa sýnt áhuga á að taka þátt verkefninu og fleiri bætast við í hverri viku. Þetta verður fyrsta bókin af þessu tagi á Íslandi og verður hún fáanleg bæði á íslensku og ensku. Enskur titill bókarinnar verður Cooking with Fire & Ice: Recipes from Icelands Favourite Restaurants.
Þeir veitingastaðir sem eru þegar hluti af samstarfinu eru meðal annarra Bike Cave, LAMB Street Food, La Primavera, Messinn, Bryggjan Brugghús, Burro Tapas + Steaks, Public House Gastropub og Valdís.
Rithöfundar og -stjórar, Sandra Björk Sigurðardóttir, Rob Tasker og Tansu Iliyaz, hafa ákveðið að reyna á mátt Karolina Fund, hópfjármögnun, til að safna 1,1 milljón króna til að fullklára verkefnið og koma bókunum á markað fyrir jólabókaflóðið.
Við hvetjum fólk til þess að heimsækja Karolina Fund síðuna og styrkja bókina, Veitingastaðinn heim: uppskriftir frá vinsælustu veitingastöðum landsins. Söfnunin mun standa yfir til 5. október 2019. Frekari upplýsingar má finna á vefsíðu Karolina Fund.
https://www.karolinafund.com/project/view/2570