Skemmtiþátturinn Allir geta dansað hefur göngu sína á Stöð 2 á nýjan leik í kvöld. Tíu pör taka þátt og í lok janúar kemur í ljós hvaða par stendur upp sem sigurvegarar.
Pörin sem taka þátt eru: Regína Ósk og Max Petrov, Veigar Páll Gunnarsson og Ástrós Traustadóttir, Jón Viðar Arnþórsson og Malin Agla Kristjánsdóttir, Manúela Ósk Harðardóttir og Jón Eyþór Gottskálksson, Eyjólfur Kristjánsson og Telma Rut Sigurðardóttir, Vala Eiríksdóttir og Sigurður Már Atlason, Sólveig Eiríksdóttir og Daði Freyr Guðjónsson, Hafsteinn Þór Guðjónsson og Sophia Louise Webb, Ólafur Örn Ólafsson og Marta Carrasco og Vilborg Arna Gissurardóttir og Javi Fernández Valiño.
Dómarar í ár eru þau sömu og í fyrstu seríunni, Selma Björnsdóttir, Karen Reeve og Jóhann Gunnar Arnarson.
Hægt verður að horfa í beinni útsendingu inni á Vísir.is en útsendingin hefst upp úr 19.