Það kennir margra grasa á hlaðborði kvikmyndakræsinganna í Bíó Paradís – Guðfaðirinn og Sóley, Nei og svo bregður Bill Murray þarna fyrir!
Takmarkaðar sýningar!
Myndin er sýnd í 4K í tilefni afmælisins og það eru aðeins örfáar sýningar í boði!
Við fögnum því að Guðfaðirinn sjálfur er 50 ára! Og við höldum upp á það á afmælinu sjálfu! Guðfaðirinn fékk fjöldamargar Óskarsverðlaunaútnefningar og var valin besta myndin það árið og einnig var Marlon Brando valinn besti leikari í aðalhlutverki. Myndin segir frá Corleone fjölskyldunni og þá helst ættföðurnum Vito (Marlon Brando) og þremur sonum hans, Michael (Al Pacino), Sonny (James Caan) og Fredo (John Cazale).
12. mars kl 17:00 – aðeins þessi eina sýning!
Sóley fjallar um ungann mann sem leitar að hestinum sínum sem strauk. Við leitina berst hann við djöfulinn með konu sem minnir helst á guð.
Kvikmyndin Sóley frá 1982 eftir róttæku myndlistarkonuna Rósku og eiginmann hennar Manrico Pavalettoni. Það hefur hreinlega ekki sést til Sóleyjar um langa hríð en kvikmyndagerðarmennirnir og hjónin Þorbjörg Jónsdóttir og Lee Lorenzo Lynch hafa unnið hörðum höndum seinustu ár við að koma eina eintakinu sem vitað er um í heiminum í sýningarhæft ástand.
23. mars kl 19:00!
„Við erum svo spennt að horfa á Bill Murray ásamt heimsþekkta sellóleikaranum Jan Vogler þar sem þeir blanda saman tónlist, bókmenntum og ljóðlist!,“ segir í tilkynningu.
Stórkostleg sýning aðeins þetta eina kvöld, – 23. mars 2022 kl 19: