Rappararnir JóiPé og Króli einoka lista yfir 50 vinsælustu lög landsins á Spotify. Félagarnir, sem slógu í gegn með laginu B.O.B.A í fyrra eiga 17 efstu lög listans en það eru öll lögin á plötunni Afsakið hlé, sem kom út í vikunni.
Króli virðist vera nokkuð ánægður með tíðindin miðað við viðbrögð hans á Twitter
HVAÐ Í FJANDANUM????? AAAAA!!! TAKK FOKKING TAKK pic.twitter.com/29q5X6IlBg
— Króli? (@Kiddioli) April 19, 2018
JóiPé og Króli sendu frá sér myndband við lagið Þráhyggja rétt áður en platan kom út í vikunni. Myndbandið er komið upp í 43 þúsund áhorf á Youtube en búið er að spila lögin af plötunni 9 til 26 þúsund sinnum.
Þetta er ekki í fyrsta skipti sem félagarnir einoka spilunarlista Spotify. Þegar þeir sendu frá sér plötuna Gerviglingur í fyrra röðuðu lögin af henni sér í átta efstu sæti listans.