Stóðu uppi sem sigurvegarar í Allir Geta Dansað

Úrslitaþátturinn í Allir Geta Dansað fór fram í kvöld og var þátturinn sýndur í beinni útsendingu á Stöð 2.

Þau sem kepptu til úrslita í kvöld voru danspörin Manuela og Jón Ey­þór, Veigar Páll og Ást­rós, Haffi Haff og Sophie, Jón Viðar og Marta og Vala Ei­ríks og Sigurður.

Danspörin fengu öll frammúrskarandi einkunnir frá dómurum en í kvöld var það einungis símakosningin sem gilti. Eftir glæsilegt og æsispennandi kvöld voru það Vala og Sigurður sem stóðu uppi sem sigurvegarar keppninnar.