Katarina Jovanovic var yfirlögfræðingur Porsche í Þýskalandi þar til hún var sakfelld fyrir að henda nýfæddu barni sínu út um glugga þar sem það lést eftir fallið.
Ekki kemur fram hvors kyns barnið var en Jovanovic fæddi barnið í leynd og hafði falið óléttuna og ekki sagt neinum að hún væri ólétt.
Aðeins nokkrum mínútum eftir að barnið fæddist kastaði Jovanovic barninu út um gluggann þar sem vegfarendur komu að líkinu og hringdu á lögregluna.
Fyrir rétti sagði Jovanovic að hún væri ekki tilbúin að breyta lífsstíl sínum fyrir barn en mestar áhyggjur hefði hún af því að það myndi skemma starfsframa hennar hjá bílaframleiðandanum Porsche að verða móðir en hún var orðin ein af yfirlögfræðingum fyrirtækisins.
Tók hún þess vegna þá ákvörðun að henda nýfæddu barninu út um gluggann en verjandi hennar segir verknaðinn hafa verið slys en dómarinn tók þá útskýringu ekki trúanlega.
Þrátt fyrir að trúa ekki afsökun Jovanovic var hún einungis sakfelld fyrir manndráp en ekki morð og dæmd í sjö og hálfs árs fangelsi.
Verjandi Jovanovic segir að þau hyggist áfrýja dómnum.