Lögreglan á höfuðborgarsvæðinu birti tilkynningu á Facebook síðu lögreglunnar sem ætluð er foreldrum sem eiga börn á framhaldsskólaaldri.
Í tilkynningunni segir að rannsókni sýni að unglingar sem fá umhyggju, aðhald og eftirlit foreldra sinna upplifi betri líðan.
Þá segir einnig að þeim gangi betur í skóla og neyti síður áfengis og annarra vímuefna.
Þá mælir lögreglan með því að foreldrarnir skoði bækling sem heitir 18 ára ábyrgð en hann er hægt að finna á íslensku sem og sjö öðrum tungumálum á vefsíðu SAMAN hópsins.
Í bæklingnum er foreldrum meðal annars bent á að halda áfram að leiðbeina börnum sínum á þessum aldri og gleyma ekki að setja þeim skýr mörk.
Í honum segir einnig að hlutverk foreldra spili stóran þátt í að halda börnum og unglingum á beinu brautinni.
