Tveir hælisleitendur frá Alsír eru nú fyrir rétti í Vín, sakaðir um að hafa lokkað tvær ungar stúlkur upp í leigubíl undir því yfirskyni að þeir ætluðu að keyra þær á partý.
Eftir að þær stigu inn í bílinn eru mennirnir sagðir hafa farið með þær í yfirgefið hús, neytt þær til að neyta efna til að deyfðu þær og nauðgað þeim á hrottafenginn hátt í um 15 klukkustundir.
Stúlkurnar, sem voru 14 og 15 ára, höfðu verið að fagna þjóðhátíðardegi Austurríkis á Keplerplatz í Vín október síðastliðinn mennirnir, 24 og 32 ára, réðust á þær.
Samkvæmt frásögn stúlknanna var þeim hótað lífláti ef þær hlýddu ekki.
Beittar grófum pyntingum
Önnur þeirra greindi frá því að yngri árásarmaðurinn hefði þrýst byssu að gagnauga hennar – sem síðar kom í ljós að var leikfangabyssa.
15 ára stúlkan var kyrkt af eldri manninum, og báðar lýstu ólýsanlegu ofbeldi sem skildi þær eftir með skelfilega áverka.
Sakborningarnir neita báðir sök en eldri maðurinn viðurkenndi að hafa haft samfarir við 15 ára stúlkuna og sagði: „Við vildum bara skemmta okkur aðeins.“
Hann fullyrti að hann hefði ekki vitað að þær væru undir lögaldri og hélt því fram að þær hefðu sagst vera 21 og 24 ára.
Lögregla gat ekki staðsett síma þeirra
Stúlkurnar reyndu að leita hjálpar og náðu að hringja á lögreglu en lögreglan gat ekki staðsett þær til að koma þeim til aðstoðar.
Þær komust ekki undan fyrr en mennirnir sofnuðu daginn eftir, þeir en voru handteknir skömmu síðar.
Réttarhöld standa nú yfir í Vín og eiga mennirnir yfir höfði sér allt að tíu ára fangelsisdóm verði þeir sakfelldir.