Hjónin Hulda og Þorsteinn V. eru hvergi af baki dottin þegar kemur að stóra deilumáli sínu við Þorgrím Þráinsson en Þorsteinn svaraði á Facebook síðu sinni í þeirri ósanngjörnu gagnrýni sem hann telur þau hjónin hafa þurft að þola.
Þorsteinn segir viðbrögðin hafa verið öfgafull og er kaldhæðinn í tón þegar hann segist hafa átt von á þessum viðbrögðum þegar „Þjóðargersemin“ Þorgrímur Þráinsson er gagnrýndur.
Hann segist ósáttur við að þau hjónin hafi þurft að þola gagnrýni en ekki maðurinn sem Þorsteinn segir vera fjármagnaðan af Brim og N1, og sé svo dýrkaður að gagnrýni á hann jafngildi landráði.
„Þorgrímur með sögu um karlrembu“
Hann segir orðræðu Þorgríms vera „stórkostlega problematíska“ og segir hann eiga sér sögu um karlrembu.
Þorsteinn heldur því fram að þau hjónin græði ekkert á að gagnrýna Þorgrím heldur þurfi þvert á móti að þola fyrir óvinsældir, hótanir skítkast og álag á taugakerfi sitt.
Þorsteinn segist standa við allt sem þau hjón hafa sagt og segir það vera ómálefnalegan útúrsning hvernig ráðist hefur verið á þau.
Þorgrímur uppfylli ekki kröfur menntamálaráðuneytisins þegar kemur að því að fræðslu og forvarnarstarfi í skólum, enda sé hans aðferðafræði ekki byggð á gagnreyndum aðgerðum.
„Varðandi skóla lífsins þá eru reyndar fá fög sem meta lífsreynslu eða „skóla lífsins“ jafn mikið og kynjafræði og sálfræði,“ segir Þorsteinn.
Þorgrímur er ekki fórnarlambið í þessu öllu saman
Þorsteinn efast stórlega um að Þorgrímur hafi fengið svo mikið sem brot af því skítkasti sem þau hjónin hafi þurft að þola að undanförnu og að.
„Raunar virðist ÞÞ eiga sér bandamenn, peppara og stuðningsfólk víða í helstu valdastöðum samfélagsins. Læknir hefur til dæmis tekið upp hanskann fyrir hann og sagt okkur hjónin „menntuð hættuleg fífl“ á sama tíma og hann segir reyndar að það eigi ekki að vaða í manninn heldur málefnið. Og „blaðamaður“ setur það í fyrirsögn með mynd af okkur. Elegant.“
Að lokum segir Þorsteinn það forneskju að segja börnum að „hætta að væla“ og forréttindafirringu að segja börnum að vera ekki fórnarlömb.
„En ég meina, ef þið elskið ÞÞ og boðskap hans í Kastljósinu þá ættuð þið kannski bara að hætta að væla og ekki vera svona mikil fórnarlömb,“ segir hann.
Færslu Þorsteins er hægt að sjá í heild sinni hér fyrir neðan.