Hvíta húsið afhjúpar umfangsmikil fjársvik hjá USAID þar sem milljónir dollara fóru í áróðursverkefni og fjármagn til hryðjuverkasamtaka en um það má lesa á heimasíðu Hvíta hússins.
Hvíta húsið hefur opinberað umfangsmikil meint fjársvik og misnotkun fjármuna bandarísku þróunaraðstoðarinnar USAID.
Stofnunin hefur árum saman varið milljörðum dollara í umdeild verkefni að því er virðist án nokkuð eftirlit hafi verið með eyðslunni.
Þar á meðal má nefna styrki til áróðursverkefna, vafasamra félagasamtaka og jafnvel hryðjuverkasamtaka.
USAID, sem Trump hefur nú lokað tímabundið, hefur verið harðlega gagnrýnt af nýrri stjórn fyrir að hafa veitt styrki til verkefna sem ekki þjóna hagsmunum bandarískra skattborgara á nokkurn hátt.
Hvíta húsið birti ítarlega skýrslu á heimasíðu sinni sem afhjúpar hvernig fé skattgreiðenda hefur verið notað.
Þróunaraðstoð eða sóunarfé?
Meðal þeirra verkefna sem USAID hefur fjármagnað eru:
• $1.5 milljónir til að „efla fjölbreytni og jöfnuð á serbneskum vinnustöðum“
• $70,000 fyrir framleiðslu á „DEI-söngleik“ á Írlandi
• $47,000 fyrir „transóperu“ í Kólumbíu
• $32,000 fyrir „trans-teiknimyndasögu“ í Perú
• $2 milljónir til kynleiðréttinga og „LGBT-aktívisma“ í Gvatemala
• $6 milljónir til að styrkja ferðaþjónustu í Egyptalandi
• Hundruð milljóna dollara til „vökvunarrása, landbúnaðartækja og áburðar“ í Afganistan sem hafi í reynd stuðlað að aukinni framleiðslu ópíums og styrkt efnahag Talibana
• Fjármögnun fyrir framleiðslu á persónugerðum getnaðarvörnum í þróunarlöndum
•USAID hefur einnig sent hundruð þúsunda dollara til samtaka með tengsl við hryðjuverkasamtök þrátt fyrir að eftirlitsaðilar innan stofnunarinnar hafi þegar hafið rannsókn á málinu.
USAID borgaði fjölmiðlum – BBC á meðal þeirra
Upplýsingar sem Hvíta húsið birti sýna einnig að USAID hefur beint fjármagni til fjölmiðla um allan heim, meðal annars til BBC, The Guardian, Reuters, NPR, The Washington Post, Politico og fleiri.
Þessi fjármögnun hefur verið gagnrýnd fyrir að styðja við ákveðna pólitíska dagskrá í stað óháðrar fréttamennsku.
Fjármunir til hryðjuverkasamtaka og spilling í þróunarlöndum
Í einu alvarlegasta dæminu greindi dómsmálaráðuneytið frá því að sýrlenskur starfsmaður hjálparsamtaka, Mahmoud Al Hafyan, hefði beint yfir $9 milljónum dollara af aðstoð USAID til hryðjuverkasamtaka tengdum Al-Qaeda.
Al Hafyan stjórnaði samtökum sem USAID hafði veitt yfir $122 milljónir í styrki til á árunum 2015-2018.
Svipuð dæmi hafa komið upp í Úkraínu, Eþíópíu og Gaza, þar sem USAID-styrkir hafa horfið sporlaust en eftirlit með dreifingu fjármuna hefur verið sagt ófullnægjandi.
Fors;tisr’a[herra Ungverja hneykslast
Viktor Orban, forsætisráðherra Ungverjalands, hefur tjáð sig um málið og segir að heimurinn standi í þakkarskuld við Donald Trump og kallar Politico áróðursrit.
So apparently USAID financed ultra-progressive Politico in Brussels and basically the entire left-wing media in Hungary under the previous US administration. And they called me “disruptor of the year”…
I think the world owes a debt of gratitude to President @realDonaldTrump for…
— Orbán Viktor (@PM_ViktorOrban) February 5, 2025
USAID og tengsl við George Soros
Einnig er bent á að USAID hafi ítrekað veitt styrki til samtaka sem njóta stuðnings frá Open Society Foundations, neti sem er fjármagnað af auðkýfingnum George Soros.
Meðal samtaka sem hafa fengið bæði USAID-styrki og fjármagn frá Soros eru:
• East-West Management Institute
• Anti-Corruption Action Center í Úkraínu
• Transparency International
Sérstaklega hefur verið gagnrýnt að þessi samtök hafi haft bein áhrif á pólitískar breytingar í Evrópu og jafnvel mótun stjórnarskráa í sumum löndum.
Lokun USAID – Trump segir nóg komið
Trump-stjórnin hefur nú lokað USAID tímabundið og gefið út yfirlýsingu þess efnis að fjármögnun falskra hjálparsamtaka, pólitísks áróðurs og hryðjuverkasamtaka með fé bandarískra skattgreiðenda verði ekki lengur liðin.
Karoline Leavitt, upplýsingafulltrúi Hvíta hússins, sagði við blaðamenn á mánudag að þessi ákvörðun sé hluti af „stórfelldri endurskoðun á utanríkisaðstoð Bandaríkjanna“ og að í framtíðinni verði aðeins veitt fé til verkefna sem þjóna beinum þjóðarhagsmunum Bandaríkjanna.
Bloody hell you have to see this.
I’ve never seen anything like it. pic.twitter.com/vMN7rmDBzS
— Barry Wall (@HeadWarriorTWM) February 6, 2025