Borgaryfirvöld í Washington DC hófu á mánudag að fjarlægja stórar gulmálaðar „Black Lives Matter“ skriftirnar af götunni við 16. og H stræti, rétt við Hvíta húsið.
Verkið, sem borgarstjórinn Muriel Bowser tilkynnti um í síðustu viku, kemur í kjölfar þrýstings frá Repúblikanaflokknum í þinginu en orðrómur segir að skipunin komi beint frá Trump sjálfum.
Það mun taka um sex vikur og á að skipta út textanum fyrir önnur listaverk sem kynnt verða síðar.
Merkingin var upphaflega framkvæmd sem táknræn andstaða við stjórn Donalds Trump árið 2020.
Íhaldsmenn fagna
Muriel Bowser, sem gaf upphaflega út skipunina um að torgið skyldi merkt hreyfingunni sagði í færslu á X að „málverkið veitti milljónum innblástur, en nú þurfum við að beina athyglinni að stærri málum eins og niðurskurði á opinberum störfum.“
Þrátt fyrir að margir frjálslyndir gagnrýni þessa ákvörðun fögnuðu margir íhaldsmenn henni.
Meðal þeirra var Charlie Kirk, sem heimsótti svæðið og lýsti því yfir að „fjöldahysterían“ væri á enda í Bandaríkjunum.
Donald Trump sjálfur deildi fagmannlega framleiddu myndbandi á samfélagsmiðla sína þar sem hann sýndi niðurrifið og fagnaði lokum „Black Lives Matter Plaza“.
Í myndbandinu lagði hann áherslu á endurreisn „reglu og virðingar“ í höfuðborginni og kallaði fjarlægingu skriftanna „sigur fyrir bandarískt samfélag.“