Í gær greindust hér á landi 99 virk kórónuveirusmit, samkvæmt upplýsingum frá almannavörnum. Þar af voru 59 í sóttkví.
Ekki hafa þetta margir greinst með kórónuveirusmit á einum degi síðan í vor en 106 manns greindust með veiruna þann 24. mars síðastliðinn. Í samtali við fréttastofu RÚV segir Már Kristjánsson, yfirlæknir smitsjúkdómadeildar Landspítalans, að 15 manns séu inniliggjandi á Landspítalanum. Þar af eru fjórir á gjörgæslu og þrír af þeim í öndunarvél.