Búast má við að hiti fari yfir 20 stig á Höfuðborgarsvæðinu síðdegis í dag. Í uppsveitum Árnessýslu, Borgarfirði og á Mýrum gæti hitinn farið í 22 stig. Þetta kemur fram á vedur.is
Kaldara verður á Norðausturlandi og verður hiti á svæðinu víðast hvar undir tíu gráðum í dag.
Horfur næsta sólarhringinn:
Norðaustan 10-18 m/s um landið norðvestanvert og suðaustantil, annars talsvert hægari. Víða bjart veður á vesturhelmingi landsins, en súld eða dálítil rigning austanlands fram eftir degi. Hiti 14 til 22 stig, en 7 til 13 á Norðaustur- og Austurlandi.