Áskorun er ný þáttaröð á Sjónvarpi Símans í umsjón Gunnlaugs Jónssonar, knattspyrnu- og dagskrárgerðarmanns.
Í þáttunum er rætt við afreksfólk í íþróttum sem hefur með einstöku hugarfari og þrautseigju sigrast á ólíkum áskorunum í gegnum lífið, innan vallar og utan. Áhorfendur kynnast viðmælendum í sínu náttúrulega umhverfi og fá að sjá hliðar sem fáir ef nokkrir þekkja, að baki sögum sem flestir hafa heyrt; kynnast manneskjunni undir búningnum. Rætt er við samstarfsfólk, fjölskyldu og vini og kafað undir yfirborðið í sögu hvers og eins.
Áskorun fer í loftið næstkomandi fimmtudag, 16. apríl.
Fyrsti viðmælandi er knattspyrnuþjálfarinn Elísabet Gunnarsdóttir sem flutti til Svíþjóðar eftir stormasaman feril hér heima og nú segir hún okkur sína sögu.