Allir vinningar gengu út þessa vikuna í Víkingalottó og það var þessi heppni norðmaður sem nældi sér í 1. vinninginn og fær hann dágóða summu eða rúmlega 670 milljónir í vinning. Annar norðmaður var með 2. vinning og fær hann rétt rúmlega 21,6 milljón króna í vinning
Tveir voru með hinn al-íslenska 3ja vinning, og hlýtur hvor þeirra rúmar 831 þúsund krónur í vinning. Miðarnir voru keyptir í Fjarðarkaupum, Hafnarfirði og í áskrift.
Einn var með allar Jókertölurnar réttar og fær hann 2 milljónir í vinning. Sá heppni keypti miðann á Lotto.is, en tveir voru með fjórar réttar tölur í réttri röð og hlýtur hvor þeirra 100 þúsund krónur í vinning. Miðarnir voru keyptir hjá Olís, Norðlingaholti, Reykjavík og í áskrift.