Það var áskrifandi sem datt í lukkupottinn að þessu sinni í Lottóútdrætti kvöldsins en hann var einn með allar tölurnar réttar og hlýtur rúmlega 9,1 milljón í vinning.
Fjórir skiptu með sér bónusvinningnum og hlýtur hver þeirra rétt tæplega 100 þúsund, tveir miðanna eru í áskrift, einn var keyptur í Happahúsinu í Kringlunni í Reykjavík og einn í Fjarðarkaupum í Hafnarfirði. Enginn var með 1. vinning í Jóker en fjórir náðu sér í 2. vinning sem nemur 100 þúsund krónum, einn keypti miðann í Hagkaup á Akureyri, einn í N1 á Selfossi. Hinir tveir keyptu í Lottó Appinu og á lotto.is.