Alþjóðlega kvikmyndahátíðin RIFF verður haldin í Reykjavík dagana 24. september til 4. október.
Á hátíðinni verður haldið eitt stærsta bílabíó sem haldið hefur verið hér á landi, úti á Granda í Reykjavík, helgina 25.-28. september. Sýnd verður ein kvikmynd á hverju kvöldi klukkan 21.
25. sept – Hair
26. sept – Get the Hell Out
27. sept – I am Greta
28. sept – Sputnik
Í tilkynningu frá hátíðinni eru bíógestir eru hvattir til að mæta í búningum í anda myndarinnar, auk þess sem Reykjavík Street Food verður með matarvagna á svæðinu og „ýmsar óvæntar uppákomur í bígerð“
Bílabíóið fer fram á bílastæðinu á Granda, við hliðina á Krónunni, Elko og Byko og er miðasala opin á riff.is