Á tólfta tímanum í gærkvöldi varð umferðarslys í Kópavogi þegar bíl var ekið gegn rauðu ljósi og inn í hliðina á öðrum bíl. Þetta kemur fram í tilkynningu frá lögreglu.
Fjögur ungmenni voru í bílnum sem ekið var á og voru þau öll flutt á bráðamóttöku. Ekki er vitað líðan þeirra eða hvort meiðsl þeirra séu alvarleg. Forráðamönnum þeirra var tilkynnt um slysið og einnig var send tilkynning til Barnaverndar vegna málsins.
Flytja þurfti báða bílana af vettvangi með króki.