Flytja þurfti ökumann rafskutlu með sjúkrabifreið til aðhlynningar á slysadeild, skömmu eftir miðnætti. Maðurinn hlaut áverka í andliti en ekki er greint frekar frá líðan mannsins.
Í dagbók lögreglu kemur fram að slysið hafi verið í Vesturbæ Reykjavíkur.
Þar kemur einnig fram að þrír ökumenn hafi verið stöðvaðir í nótt á höfuðborgarsvæðinu, ýmist vegna aksturs án ökuréttinda eða undir áhrifum vímuefna.