Í dagbók lögreglu kemur fram að sex manns hafi gist í fangageymslum í nótt á höfuðborgarsvæðinu.
Kona, sem grunuð er um nytjastuld á bifreið, hrækti á lögreglumann í miðbænum og var hún vistuð í fangageymslu eftir atvikið.
Þá var manni vísað út af veitingastað í miðborginni eftir að hafa verið með ógnandi framkomu.
Einnig kemur þar fram að maður hafi verið með ónæði á tjaldsvæðinu í Laugardal og hafi meðal annars áreitt gesti tjaldsvæðisins. Ekki var hægt að ræða við manninn sökum annarlegs ástands hans og var hann vistaður í fangageymslu.