Það styttist í hina árlegu Hrekkjavöku en hún er haldin 31. október hvert ár og eru fjölmargir farnir að taka upp hefðir á borð við „grikk eða gott“ hér á Íslandi í tilefni dagsins. Það má þó segja að hvergi er meira lagt í þessa hátíð en í Bandaríkjunum en þar er gríðarlegur metnaður lagður í hin ýmsu „draugahús“ sem finna má á víð og dreif í hinum ýmsu borgum.
Eitt þeirra er að finna í Rockefeller Center í New York en líkt og Harry Bretaprins komst að á dögunum er það ekkert grín að ganga í gegnum slíkt hús.
Prinsinn var mættur á skjá Bandaríkjamanna í nótt þegar hann ásamt þáttastjórnandanum Jimmy Fallon heimsóttu draugahúsið í Rockefeller Center en búið var að koma fyrir myndavélum á þeim til þess að ná öllum herlegheitunum á filmu en útkoman er vægast sagt fyndin og skemmtileg. Harry Bretaprins bókstaflega öskrar af hræðslu líkt og sést á meðfylgjandi myndskeiði.