Einn heppinn miðaeigandi nældi sér í óskiptan 1. vinning í Víkingalottó að þessu sinni og hlýtur hann rétt tæplega 930 milljónir í vinning. Miðinn var keyptur í Noregi. Tveir skiptu með sér 2. vinningi og hlýtur hvor um sig 18,5 milljónir króna, annar miðinn var keyptur í Svíþjóð en hinn í Noregi.
Hinn al-íslenski 3. vinningur gekk einnig út og skiptist á tvo miðaeigendur, annar keypti miðann sinn í Lottó Appinu en hinn er með tölurnar sínar í áskrift. Fær hvor um sig rúmlega 3,6 milljónir í vinning.
Þrír voru með 2. vinning í Jóker og fá þeir 100 þúsund hver, einn miðinn var keyptur í Snælandi við Núpalind í Kópavogi, einn í Olís við Langatanga í Mosfellsbæ og einn er í áskrift.