Dagur B Eggertsson mætti á reiðhjóli á fund Mike Pence varaforseta Bandaríkjanna í dag. Þetta vakti mikla undrun yfirmanns öryggismála á Höfða.
Yfirmaðurinn virtist efast um að Dagur væri yfir höfuð borgarstjórinn.
„Ég hef aldrei áður hitt borgarstjóra á hjóli,“ tjáði hann Degi og þríspurði starfsmann sendiráðs Bandaríkjanna hvort Dagur væri í alvörunni borgarstjórinn.
„Einhvern tíman er allt fyrst,“ svaraði borgarstjóri öryggisverðinum en Dagur gantaðist með atvikið á Twitter í dag.
“I’ve never met a Mayor on a bike before,” sagði yfirmaður öryggismála við Höfða, eftir að hafa þríspurt starfsmann sendiráðs Bandaríkjanna hvort ég væri (virkilega) borgarstjórinn í Reykjavík. “First time for everything,” var hið eðlilega svar. Mynd: @katrinat pic.twitter.com/4OBAW97fYx
— Dagur B. Eggertsson (@Dagurb) September 4, 2019
Þetta kom fram á vef Fréttablaðsins í dag.