Fyrsti vinningur gekk ekki út að þessu sinni í Eurojackpot en sjö skiptu með sér 2. vinningi og hlýtur hver þeirra rúmlega 51,4 milljón. Miðarnir voru keyptir í eftirtöldum löndum; Danmörku, Króatíu, Tékklandi, Slovakíu og þrír í Þýskalandi.
Þá voru tólf miðahafar sem skiptu með sér 3. vinningi og fá þeir rúmar 10,5 milljónir hver. Miðarnir voru keyptir í Danmörku, Króatíu, Spáni, Ungverjalandi og átta í Þýskalandi.
Gaman er að segja frá því að heppinn íslendingur var einn af 149 miðaeigendum sem var með 4. vinning í kvöld en fá þeir tæpar 284 þúsund krónur hver. Miðann keypti hann á heimasíðunni, lotto.is.
Einn miðaeigandi var með fjórar réttar tölur í réttri röð í Jóker og hlýtur fyrir það 100 þúsund krónur í vinning. Miðinn var keyptur í versluninni Við Voginn, Vogalandi 2 í Djúpavogi.