Suður-kóreska sveitin BTS, skellti sér í Carpool Karaoke með James Corden á dögunum. Þetta er vinsæll liður í þætti Corden, The late late show with James Corden, þar sem hann fer með frægum á rúntinn.
Strákarnir í hljómsveitinni, sem er ein vinsælasta strákasveit í heimi um þessar mundir, eru ekki mjög sleipir í enskunni en þeir fóru létt með að taka nokkur lög með Corden.