Tónlistarmaðurinn John Grant heldur tónleika í Hljómahöll þann 23. október kl. 20:00.
John Grant hélt sína fyrstu tónleika á Íslandi árið 2011 og í framhaldinu tók hann ástfóstri við land og þjóð.
Þann 25. júní síðastliðinn gaf John út sína fimmtu breiðskífu sem ber heitið Boy from Michigan. Platan er pródúseruð af Cate Le Bon sem kom fram í Hljómahöll árið 2019.
Aðeins verður selt í númeruð sæti og er takmarkað magn miða í boði.
Miðasala hefst miðvikudaginn 1. september kl. 13:00 á tix.is. Boðið er upp á rútuferðir á tónleikana frá Reykjavík. Rútan fer frá N1 við Hringbraut (Hringbraut 12, 101 Reykjavík) til Hljómahallar kl. 18:30 og fer aftur til Reykjavíkur um leið og tónleikunum lýkur. Miðaverð fyrir báðar ferðir er 3.000 kr. á mann. Rúturnar eru merktar BUS4U.