Listakonan Margrét M. Steingrímsdóttir færði Kára Stefánssyni, forstjóra Íslenskrar erfðagreiningar, kórónuveiru að gjöf fyrir helgi.
Margrét hefur lagt hönd á margvíslegt handverk í gegnum tíðina ásamt því að kenna það í Ólafsfirði á árunum áður. Hún hefur unnið alfarið í leirgerð við að hanna og skapa undanfarin tvö ár í Punktinum á Akureyri. Þegar Punktinum var lokað í kórónuveirufaraldrinum fór hún að leira heima og þá kviknaði hugmyndin um að búa til kórónuveiru úr leir.
Þegar farið var að ræða það innan fjölskyldunnar hvað ætti að gera við kórónuveiruna var lagt til að gefa Kára Stefánssyni forstjóra Íslenskrar erfðagreiningar listaverkið og varð það úr.
Dóttir tók að sér að færa Kára listaverkið og var Margrét ánægð með að hann vildi þiggja það. Kári var ánægður með gjöfina og vakti hún verðskulda athygli eins og myndin af Kára sýnir.
Þetta kemur fram á Trolli.is