Karlmaður á fertugsaldri lést á sunnudaginn þegar hann rak frá landi eftir að hafa verið að synda, ásamt öðru fólki, í heitu úrfalli sem rennur út frá Reykjanesvirkjun.
Maðurinn var meðvitundarlaus þegar hann fannst og endurlífgun bar ekki árangur. Þetta kemur fram í tilkynningu frá lögreglu. Þá ítrekar lögreglan einnig að sjóböð á fyrrnefndum stað séu stranglega bönnuð.