Tónleikarnir með Khalid sem áttu að fara fram 25. ágúst í Laugardalshöll hafa verið færðir til 14. júlí 2021, vegna útbreiðslu COVID-19 vírusins og afleiðinga hans.
Allir miðahafar hafa verið látnir vita og ef nýja dagsetningin hentar ekki býðst þeim að hafa samband við Tix til að fá endurgreiðslu.
Khalid er einn allra heitasti tónlistarmaður veraldar um þessar mundir og var nýlega titlaður einn áhrifamesti einstaklingur heims af Time 2019.
,,Við biðjumst velvirðingar á óþægindum sem þessi breyting kann að valda en um leið þökkum við fyrirfram fyrir þolinmæðina og skilninginn og hlökkum til að sjá alla í Höllinni á Khalid 14. júlí 2021,“ segir í tilkynningu frá Senu.
Nánari upplýsingar um viðburðinn má nálgast hér