Eldri karlmaður lést í Sundhöllinni á Selfossi, við sundiðkun, rétt fyrir hádegi í dag. Lögreglan á Suðurlandi greinir frá þessu.
Sjúkralið ásamt lögreglu mætti á vettvang og reyndi endurlífgun sem bar ekki árangur. Sundlaugargestir voru beðnir um að yfirgefa laugina og var Sundhöllinni lokað á meðan rannsókn á vettvangi stóð yfir. Ekki er unnt að veita frekari upplýsingar að svo stöddu.